Staðsetning = Shanghai, Lífsánægjustuðull = hár.

Komiði sæl, fyrirsögnin er sönn saga , við strákarnir nýbúnir að læra hvernig maður segir kjöt, kjúklingur, fiskur og hundur í kínverskutíma .. og mættir á kínverskan stað og spurjum á kínversku hvað sé og stelpan mismælir sig svona smá.. og verður mjög vandræðalegt. Gyllt andartak.

Já en eitthvað hefur liðið tíminn frá síðasta bloggi, en þeir fá sem fá og bíða nógu lengi eftir því, og stundum fá þeir ekki sem bíða lengi heldur bíða of lengi því stundum þarf maður að leitast eftir því sem maður vill eins og Tóti og Max gera    ,létu heyra í sér í athugasemdunum.

Hrafnhildur velkomin í athugasemdir, mikli krullhærði meistari, sérstök kveðja til þín og Steinbergs. 

Gaman að vita að þið séuð þarna Jóhanna, Big Dór og co

Rakel Arín og Tóta fá cyberknús og vil ég fá þig sonja og smiðinn til að finna skekkjuna í þessu bloggi og segja í athugasemdum. 

Gis yeah, Mikki hinn mikli refur , velkominn ávallt félagi. ! salud.

Kristín Linda takk enn og aftur fyrir alla hjálpina og velkomin í bloggvinina ! 

Inga kínagella hehe já hvet fólk til að kíkja á þína síðu til að lesa um magnaða ferð á strönd var það ekki. Ert þú ekki bara óheppnasta gella ever.  En víkjum okkur að blogginu.

----- 

Þessi mynd er orðin smá gömul, en er flott , djöfull flott.

Þoka, dimma, smá rigning, og upplýstur skýjakljúfur. 

Batman fílíngur.

 

 

 

flott mynd. 

 

Þessa mynd tók Snorri. Vel að verki staðið.

 

 Við fórum um daginn að versla, tja í búið. Risa risa risastór verslunarmiðstöð sem heitir Carrefour.   Það var reyndar ekki mikið verslað .. við erum ekkert endilega mestu verslunarmennirnir í svona umhverfi.

sést t.d. hérna þar sem ég stend eins og mammútur , að bakvið mig eru svona 3 þúsund kínverjar, allir að garga eitthvað og ég fer býsna nálægt því að segja að mig svimaði í svona kortér eftir að við fórum þarna út.

 Leiddist ofboðslega þarna inni en þetta tók frekar fljótt af enda við strákarnir frekar sammála um að taka bara það nauðsynlegasta og koma sér út.

 

 

 

 

    
    Hér var hægt að fá yndislegt úrval af fiskhausum sem ég  viðurkenni að lyktuðu hressilega úldnir. Mikil gleði að rekast á þetta. Allt í kringum þá voru fleiri partar af fiskum með jafnhressandi lykt. Sumt var að sjálfsögðu drasl sem ég hef aldrei séð.

 

 

 

Talandi um drasl sem ég hef aldrei séð.

 

 Við kíktum svo í ávaxtadeildina enda erum við tíðir gestir þar.                        

Haldiði að við höfum ekki rekist á þetta svona dýrindis epli.

 

Hvað er skrýtið við þetta epli?

 

Jú , eplið er eins og 4 epli.

Svona eins og mamma mín þegar hún segir að ég sé eins og 20 aumingjar þegar ég er þunnur.

 

Aldrei séð annað eins hormóna dæmi , eplið hljóp næstum því á eftir okkur þegar við löbbuðum frá því.

 

 

 

 

 

 vi vi vi vi vi vi vibbbbi.

 

 

 Hér er gott dæmi um girnilegan mat sem var til sölu í þessari blessuðu búð. 

Sennilega lirfur , matarmiklar , bústnar, hrufóttar, geðslegar, lirfur fyrir alla.

Við lögðum ekki í lirfurnar.

Við höfum samt alveg smakkað ýmislegt.

 

Mjög snemma þegar við komum þá fórum við á svona "hot pot" stað þar sem við pöntuðum fullt af réttum , skíthræddir vesturlandabúar , og fengum fullt af því ásamt risapotti sem var fullur af einhverju gumsi og svo því sem við þekkjum sem rauðu chili.  Svo var bara gashella á miðju borðinu og kveikt var undir pottinum. Kom fljótlega eftir það afgreiðslustúlka sem kenndi okkur að djöfla ofan í pottinn frosnu kjötinu og steikja það ofan í. Ofursterkur réttur sem kom skemmtilega á óvart. Froskurinn var t.d. ekkert svo slæmur. En .. ekki aftur takk. Kína og að prufa nýtt , bara gaman. Var ég kannski búinn að blogga um þetta? , nenni ekki að athuga það.

 

Karl Magnús Þórðarson.

 

 

Smá hjólasögur. Við keyptum okkur þrjú hjól á sínum tíma.

Ég gaf mitt því það var crap og keypti mér í framhaldi af því ljótasta stelpuhjól allra tíma. Á það enn.

Karl fékk sér svipað hjól og ég en Kalli seldi Braga það á 100 rmb. Fékk sér svo nýtt lítið töff hjól. Lét stela því. Fékk sér svo þriðja hjólilð sem er flott og gott.

Snorri fékk sér upphaflega mjög gott og flott hjól en lét stela því um daginn og hefur ekki enn endurnýjað.

Danni Raggi og Siggi fóru í skólann á sínum. Læstu þeim saman. Þeim var stolið. 

Meginregla í kína er að ef þú átt hjól þá verður því stolið. Eða að það er crap og eitthvað beyglast og er lélegt. En þannig er þetta bara.

 

 

Í heimsókn til kína komu Berglind og Erna svakagellur. Við fórum saman Íslendingar á stað sem kallast Zapatas og er mexíkanskur bar. Þetta var á mánudagskvöldi og voru fríar margarítur fyrir stelpur í slatta tíma og svo bjór fyrir strákana og það var svo ekki skóli daginn eftir.

Fólk að dansa á barborðum og gellur að gefa tequila þaðan.

 

 

Hér má sjá Snorrann kominn í gírinn og beint upp á barborð að sýna þessum píslum hver er sannur víkingur.

 

 

 

 

Hérna er hópurinn glæsilegi sem fór út að borða á Zapatas.

Beggi tók myndina , vel gert boli. 

 neðst til hægri:  Inga, Helgi, Brynja, Halldóra, Bryndís og Bragi.

 uppi vinstri:  Berglind, Snorri, Karl, Pálmi , Siggi og Erna.

 

Þetta kvöld var með betri djömmum í langan tíma.

80's músík og dans manía.

 Berglind og Erna eru miklir meistarar, þær eru í heimsreisu og eru búnar að ferðast mikið. Ég held þær séu núna í Thailandi og biðjum við boys kærlega að heilsa og þökkum frábæra skemmtun.

 

  Í þessari viku  fórum við  Snorri Siggi og Kalli út að fá okkur að borða. Var ákveðið að taka ævintýri á þetta og varð einhver kóreskur staður fyrir valinu. Við völdum okkur 5 rétti sem litu allir út fyrir að vera kjötréttir. Það kom einn kjötréttur og 4 réttir með verum úr sjávarríkinu.    

 

 

Hér við hliðina má sjá sjálfan mig , snæða það sem við teljum vera kolkrabba-hendi. Enda má sjá það sem við teljum vera sogskálar þarna.

 

Þetta er býsna góður matur. Pínku seigt.

 Kannski ekki girnilegt héðan.. en það var töluvert minna girnilegra þaðan sem ég sá þetta þegar ég rétti þessa snilld að mér.

 En staðurinn var ekki sniðugur og við förum ekki aftur. Ekki nógu gut.

 

 

 

hmm. 

 

 

 

 

 

 

 

 

 

 

 

 En svona er gaman í kína. Margt spes.

 

Í dag er föstudagur.

Á morgun förum við í ævintýraferð með þýsku vinum okkar Daniel og Martin.

Við ætlum í héraðið Nanjing eða í borgina Nanjing, er ekki alveg viss.

Myndavélarnar koma með og við gerum þeirri ferð skil í næsta bloggi.

 

 

 

 

 

 

Biðjum að heilsa heim.

Núna er prófavikan að fara hefjast og erum við strákarnir að læra mikið.

 Í tilefni af því þá viljum við koma því á framfæri að næsta blog verður ekki fyrr

en eftir svona viku.

 

Því meeeður.

Ég vil samt þakka öllum fyrir skemmtilegar athugasemdir við færslunum að neðan.

 Já Emmi , gítarinn er eftirlíking , en fjandi góð slík.

Þakka hólið Harpa Hlín og gaman að sjá að þú ert að fylgjast með okkur guttunum. 

Kalli biður kærlega að heilsa ykkur systkinunum.

 

Þóranna , gaman að sjá þig hérna, nei ekki farinn í gítartíma hjá kínverja en aldrei að vita hvað gerist.

Rosita he he   mætti halda að þú saknaðir gítarglamursins og vælsins í uppáhalds nágrannanum.

 Majae.tk og Sonja Smiðs ofurhetjur að setja inn athugasemdir við fyrsta blogg, gaman að vita af ykkur að fylgjast með !!!

 

 Tóti Hefill : Rétt aðalmálið að hafa gaman hérna úti !! og kynnast menningunni og eins og

 Pétur kom inn á þá er allt kapp best með forsjá og einum bjór. Glæsileg færsla Pétur og gaman að vita af þér að fylgjast með. Gamli djeefull.

 Katrín : mig grunar uppáhalds ófrísku katrínuna okkar , farðu vel með þig krútta.

 Ásdís : uppáhalds besta ásdís sem ég þekki !

Börkur : það er rétt Álasagan er goðsagnakennd !  , það sem fyndið er að segja.

 

Kær kveðja til allra vina og vandamanna , frá okkur strákunum,

 

 

 

 

 

 

 

 

 

 

 Kalli kveður með sólarlagi

 

 

 

 

 

 

 Snorri 

 

segir Tennisbless við alla 

 

 

 

 

 

 

 

 

 

 

 

Pálmi

 

kveður í bili.

 

 

áfram próf. 

Sælinú vinir, vandamenn og skaníur.

Það eru Pálmi og Karl Magnús sem sitja hér við skriftir.  Snorri er að leggja sig gamli maðurinn.

 

 

 

Við erum núna staddir í þriggja hæða íbúðinni okkar í California Gardens,  nánar tiltekið í stofunni sem sést hér til hliðar. Íbúðin er 133 fermetrar og er leigan 33 þúsund á mánuði. Sem er bara snilld. Við fáum konu til að þrífa um helgar og kostar hún 80 kr. á klukkutímann.

Heyriru það mamma, þú hefur gert þetta frítt í öll þessi ár.

 

 

 Ferðalagið. Við Kalli fórum fyrstir af stað þann 22. febrúar  , á leiðinni í eitthvert brjálaðasta nýárspartý sem um getur... eða það héldum við allavega. 

Eftir langt og strangt ferðalag og leigubílaferð lengst út í Baoshan hérað sem er frekar langt frá miðbænum, þá lentum við hjá Austur-hliðinu á campus. Nota bene campusinn er risa-risastór.

Eftir kortérs labb , einhverjar helvítis tvær mílur eða eitthvað , þá fundum við loksins Z-bygginguna sem við áttum að finna. Sko á leiðinni vorum við búnir að sjá risabyggingagr sem voru allar merktar einhverjum bókstöfum og við svona prjónuðum okkur að Zetunni. Á öllum þeim byggingum , á hurðunum voru risastórir og þykkir hjólalásar til að ganga úr skugga um að óviðkomandi kæmust ekki þangað inn.

 

Það sem við áttuðum okkur á er að á svona 8 ferkílómetra kampus með svona risabyggingum út um allt. vorum við sirka einu manneskjurnar á svæðinu. Það var ekkert ofboðslega þægileg tilfinning, sérstaklega þegar við komum svo loksins að okkar Z-byggingu , að fyrstu hurð þar og hún var læst.

 

 

 

Við settumst niður fyrir framan íturvaxinn lásinn, gnístum tönnum og vonleysið náði tökum á ungu íslendingunum tveimur sem þangað höfðu ákveðið að sækja nám sitt og tilbreytingu.

Svo labbaði Kalli að næstu hurð og hún var opin.

 

 

Hérna má sjá Kalla við hliðina á húsverðinum okkar í Z-byggingu sem þóttist heita Tony.  Á nafnspjaldinu hins vegar voru svona 7 kínversk tákn sem eru nafnið hans og hann heitir væntanlega löngu og flóknu kínanafni. T.d. hef ég rekist á nokkra sölumenn á raftækjamarkaðnum sem heita alveg 6 til 10 kínverskum táknum en fyrir neðan þau stendur með verstu barnaskrift ever kannski BOB eða JACK. frekar krúttlegt.

Má sjá hvað þeir ná vel saman enda kallar Tony alltaf eitthvað á kínversku til Kalla þegar þeir sjást.

Hann sér greinilega eitthvað í honum, svona eins og við hin.

 

Fyrsta upplifun af Kína var ekki spes. Við komum þarna á Z-byggingu og enginn talaði ensku. Við fengum kínverska kennslu á tæki og tól þarna , m.a. á lampa sem hafði einfaldann on/off takka. Tony stóð fyrir sínu. Eitt sem mistókst var að kenna okkur nægilega vel á hitarann því fyrsta nóttin var sofin í ískulda og í svona hundrað fötum. Aldrei orðið jafn kalt í heiminum held ég nema akkurat þessa nótt.

Nýárspartýið góða sem við héldum að við værum mættir í , er meira svona eins og almennur frídagur eða frívika hjá kínverjum. Þetta þýðir að veitingastaðir voru lokaðir og kínverjar voru allir farnir eitthvað út úr bænum að hitta fjölskylduna sína og ef miðað er við fjölda kínverja , þá erum við að tala um einhverjar svakalegar fjölskyldur. Þannig að fyrsta kvöldið okkar á svæðinu fórum við á stúfana að reyna að fá okkur mat og lentum inni á kínverskum stað þar sem manni leið eins og sýningargrip. Þessi staður fær 10 í einkunn frá Pálma en svona 1 í einkunn frá Kalla því það gleymdist að elda kjötið hans. Uppruni kjötsins er enn óviss. 

 
Við erum samt núna að reyna að muna nafnið á þessum veitingastað og við höldum að hann heiti eitthvað af eftirfarandi: Time Tea House, Tea Time House, House of Time, Time Of Tea, Give me your House eða One House one life.

 

Skemmtileg líkamsræktaraðstaða "úti" á campus. Hér má sjá lipra tækni frá Pálmanum. Að sjálfsögðu með glæsilega eftirlíkingu af Ray-Ban gleraugum á sér. Myndardrengur.

 

 

Reyndar fundum við veitingastað sem selur góðan mat á góðu verði. Fín þjónusta með sérstakri techno raf-dinnertónlist sem virkar ekki og er best að lýsa því eins og að vera sofandi með hníf í augunum liggjandi á gaddavírsgirðingu sem er búið að þrýsta í líkama okkar og blóðga mikið.

Allavega þá vorum við svo impressed af þessum stað að við viljum sérstaklega tala um hann hérna. Við vitum ekki hvað hann heitir , en við fengum þarna , þrír glorhungraðir íslendingar, sko .. fyrst einhverjar þrjár súpur sem voru fínar og allar mismunandi , mjög skrýtið því við náttúrulega pöntuðum okkur ekkert súpur. En svo þegar við fengum matinn okkar sem var tvírétta , spagettí í kjötbollum og pastaréttir  og aðalréttur sem samanstóð af tveim kjötsneiðum á heitri pönnu með núðlum og eggi , ásamt ísköldu pepsí. 

Allt í allt var þetta 1700kr. fyrir okkur 3. Sem er gróflega um 570 kr. á mann sem er næstum því ein sóma samloka og svali útí búð á íslandi. 

Við vorum pakkaðir þegar við gengum þarna út.  

 

 Það leið ekki langur tími þangað til við náðum áttum í Kína. Snorri kom tveimur dögum á eftir okkur við mikla ánægju okkar og fljótlega eftir það komu allir krakkarnir. 

Við strákarnir létum líða smá tíma þangað til við ákváðum að skoða næturlífið, en auðvitað gerðum við það og höfum gert nokkrum sinnum síðan. Það eru flottir og töff staðir í Shanghai og m.a. má nefna JZ-Club og Cotton Club sem hafa hljómsveitir að spila Blues og Jazz fyrir mann, afar þægilegt. Svo stóri klúbburinn BonBon þar sem maður borgar sig inn og fær sér frítt á barnum það sem eftir lifir kvölds (ávísun á nokkuð strjálminnugt kvöld). Annar staður sem er vert að minnast á heitir Attica , þar kostar 3000 kr. inn á staðinn , og glas af einhverju kostar 880 kr. , svo ef þú vilt leigja bás fyrir þig og vini þína, þá er verðið fyrir kínverja 20. þúsund krónur en fyrir útlendinga eins og okkur þá kostar það 40. þúsund krónur. Sem er vel bærilegur staður sem við förum ekkert oft á aftur hugsa ég.

Annars er áfengi á nokkuð svipuðu verði og heima, nema á spes tilboðskvöldum á heimavelli okkar, barnum I Love Shanghai þar sem 250 kr kaupa Long Island Tea og vodka og er eigandinn Jeff orðinn vinur okkar. 

Svo er vert að minnast þess að kínverskar barstelpur eru oft á tíðum mjög vingjarnlegar og leggja sig allar fram um að spjalla við mann og að fá mann til að kaupa handa sér drykk. Mjög hressandi.

Kannski ein saga hérna af okkar manni , Karli Magnúsi þegar hann kom heim á okkar vanalega heimkomutíma eftir djamm , sem er sirka 09:40 um morgun. Þá fór meistarinn í göngutúr , ekki kannski alveg við stjórnvölinn á sjálfum sér og lenti fyrir tilviljun á götufiskmarkaði þar sem hann keypti sér tvo, lifandi, ála. Auk þess keypti hann sér kínverskt hrísgrjónavín sem lyktaði eins og hundrað dauðir hlutir.

Tvö svona stykki , lifandi , tók maðurinn og setti ofaní snarheita pönnu og hóf að steikja upp úr kínversku kranavatni og kínverska ofurviðbjóðs víninu.

Ekki nóg með það að þarna hafi verið háð grimmileg barátta frummanns gegn álum , því þegar frummaðurinn sigraði og náði að steikja greyið dýrin , þá át hann álana með bestu lyst. Skreið svo upp í herbergi og sofnaði.  "álarnir stukku víst upp úr pottunum á fullu og reyndu að sleppa , segir Karl."

Já skelfilegur atburður. 

 

Hér má sjá Karl M. "Álabana" Þórðarson,

 

að hita upp í boxtæki með gríðarmannfjölda sem safnaðist saman til að horfa á þessa skepnu hnykla vöðvana.

 

Eina commentið sem við höfum fengið frá Karli varðandi bragðið á álunum er að þegar hann vaknaði eftir átökin , þá hafi setið í honum smá lýsisbragð annars hafi þetta bara verið fínt.

Mig grunar hann um stórfelldar lygar.

 

 Annars hefur rektorinn líka farið í svokallað "dance-off" á klúbb sem heitir Dragon-Club og er svosem ánægjulegt að segja frá því að Álabaninn gjörsigraði kínverja og svertingja. Maðurinn var í rasistaham og tók þá hægri vinstri. Mjög smekklega gert enda gerir hann tilkall til danstitils Elvis , þetta með hnén dæmi. Kalli er bara hné dansari dauðans.

 

Vissulega höfum við gert ýmislegt fleira hér í Shanghai, við höfum farið á nokkra markaði sem selja eftirlíkingar af frægum vörumerkjum og lent í rosa prútt stríði um þær vörur , keypt fullt af drasli. Armani Jakka , Diesel Boli, Rolex úr, Adidas skó , svona endalaust. 

Fljótlegt að skrifa, endalaust að labba. Held ég sé búinn að labba svo mikið að þegar ég er sitjandi þá finnst mér ég ennþá vera að labba.

 Í dag er 11. mars og byrjar skólinn okkar á morgun á kínverskutíma. Okkur hlakkar mikið til að geta lært að tala eitthvað við kínverjana. Í dag erum við með nokkur grundvallaratriði á hreinu  , eðlilega enda höfum við þurft að bjarga okkur með phrase bækur og fleira í prútti og að spjalla við leigubílstjóra , p.s. takk Eva, Þóranna, Kristín Linda og Gummi ósvarti.

Stutt er í prófin okkar á Bifröst. Næstu helgi koma Kristín Ólafs alþjóðafulltrúi og Jón Ólafsson prófessor og forseti félagsvísindadeildar á Bifröst með prófin okkar í farteskinu og þurfum við því að fara leggjast í bækur.

 

Segja þetta gott í bili og vonandi höfum við bætt aðeins fyrir það hversu langt er síðan síðast var bloggað. Málið er bara að við fengum netið í gær loksins.

Okkur líður vel og Shanghai er borg sem hefur allann pakkann. Dýrustu búðir og veitingastaði sem hægt er að finna og ódýra hlið sem gaman er sér að kynna. Rím.

Með kínakveðju,

Pálmi og Kalli.